EJER MARAH MANAT PUTENAH

Assalamualikum…………..
Alhamdulillaahhilazi……...

Bertirun ku rembege
Berusihen ku singe munge

Kunulku nge tersesuk berdilem tajuk
Sesukku nge terdiri bertajuk renggali
Terjali tabi

Tabimi mulo langit…
Maafmi mulo bumi…
Salam semah ku ama urum ine
Dengan urum sudere, ralik juelen, sebet guru
Kaum biak ni ama
Kuluh rege ni ine
Siara i atas ni batang ruang ini
Si ara i atas ni gergel tete ini

Awal serule
Asal linge
Gelapni cermin
Kipesni upuh panyang
Sene nge muah
Berakah nge bunge
Imai ku ruang
Urumen Sudere, urangtue, pegawe, pengulunte.
Pakat nge tumung
Peden nge munge